amuro namie x Vidal Sassoon

日本沙宣搵左安室做代言人promote新既洗髮水，話哂沙宣大牌子，當然比上次lucido hair color做得更認真同有規模。廣告主題為fashion, music,hair style既collaboration，fashion方面搵左曾經為'sex & the city'及'穿prada的惡魔'中擔任stylist既patricia field，hair style就搵左madonna既髮型師orlando pita。廣告係california拍，一共拍左三輯，分別以60s,70s及80s年代作背景。正式on air要到23/1先可以係日本睇到，但VS官網已經有得睇其中兩個TVC喇，仲有詳盡既making of,behind the scene睇添！最期待既當然吾係果30秒既廣告啦，因為今次安室同VS合作，廣告歌將會係安室12/3推出既single黎呢，所以今次既TVC亦都係新歌既MV，很少有連動呢！暫時兩輯廣告中只聽到其中兩首歌'new look'及'ROCK steady'，個人比較喜歡70s TVC中既'ROCK steady'多Ｄ！
快Ｄ去呢度睇下啦 http://vidal.jp

we miss u...terry

近排心情已經好差，好低落，每日仲要扮開心係公司笑臉迎人。啱啱轉左做V.M,拍住karen做男裝，新工作新挑戰，我要做好呢份工！可惜前日下午karen收到電話話terry過左身，聽到頓時呆左。話terry夜晚凌晨時係公司突然精祌失常送入瑪麗醫院，當係急症室接受完檢查後，佢突然衝出醫院，跨過欄杆跳落十六尺高既山坡，最後不治。以前terry係堡記同我同team，都係做graphic，一向都覺得terry既graphic係graphic team中最好，好helpful，仲成日請我地食野添。我初入黎時，terry出走廊食煙時都會叫埋我出去吹水輕鬆下，閒談中得知佢前年撞車後患左抑鬱症，大家同病相憐自然好傾Ｄ，但估吾到佢既抑鬱症嚴重到變成精神分裂導致今次...。上年terry被無辜解僱後，去左harvey nichols做，塞翁失馬焉知非福，harvey nichols當然比堡記好做呢！佢仲話吾洗OT，發揮空間更大！我坐繄既坐位，正正係terry以前坐既位，我台下面仲有箱terry既私人物品，果時仲話遲Ｄ出黎食飯先俾番佢，而家變成遺物，我坐係自己個位更覺得心up，都忍吾住喊出黎。尋日全個creative team既同事都比以往沉靜。最後希望terry係另一個世界生活得開心，生命看似很漫長，但可能一瞬間就會失去，所以希望大家多珍惜同關心身邊既人呢。

刮沙

前排跑完步，第二日發覺隻右腳勁痛，行到拐下拐下，大隻佬samuel就介紹左我去睇推拿。samuel事先講話會推得好痛，佢話佢之前打ruby整傷過都係搵呢位師傅睇好，但推拿時就痛到佢眼淚水都'標'。當我第一次推時，真係覺得幾痛，但都忍到，推完仲行得返添！前兩日再睇第二次時，師傅話見我咁勁忍到痛，今次就吾留力，呢次真係推得好金！推到我咪哂眼扭哂身，師傅話我血氣吾好，問我想吾想刮沙，但佢話好痛好瘀架！果時我仲話：吾怕啦，瘀會散加麻！師傅見我女仔人家咁硬淨，就即刻拎塊刮沙版同我起勢咁刮大肶A嘩！真係十級痛！！我咪哂眼同師傅講話呢隻痛又吾同推拿果種痛，佢話：係呀！好似俾刀界咁架。我心諗：你頭先吾講！我見Ｄ瘀即刻浮哂上黎，最奇怪係當我極痛時反而會笑吾係喊。結果兩隻腳都有推同刮沙，足足痛左成粒鐘。師傅叫我要卒下先散瘀，都吾知點卒，惦下都痛，瘀到咁>_<"所以近排只可以著長褲，著裙就要著黑色絲襪先見得人呢！

the last day & the first day

きょう31日、ことしの最後の日だし、あたしのニューライフの最初の日です。
心が苦しい感じ...