阿媽的日本手信

啱啱阿爸同阿媽去完日本立山黑部，阿媽真係醒目兼好細心地買左好多好野俾我！好開心呀！多謝阿媽&阿爸！
絕對不能不買既Mr.donut!!雖然林哂，但我都覺好味！
阿媽知我like藍莓，專登買支藍莓味蜜糖，沖水飲，正！
仲有唔少得既鬆弛熊XD
賣飛佛零食之一，日本棉花糖（鬼佬卡夫牌我唔食架XD）雖然係我最吾like既哈佬吉米，但見係信州限定，咁又唔同haha

簡單生日

今年生日唔知點解唔多記得，可能今年無請假，公司又勁忙，年紀大都唔太想慶祝XD 結果發覺生日真係唔應該返工，免得勞氣~
本來呢日要返日文，當然我選擇逃學啦XD 放工去左isquare上面既匠伊兵衛食日本野，六點幾就到，天仲未黑，慢慢睇住個天由藍變橙紅再變深藍，加上海景view的確唔錯！食物ok，唔係差，係貴左d囉！年年生日一定要吹蠟燭許個願先安樂，今年特別d，吾係蛋糕，係克勤牌既雪糕蛋糕，仲要係熊仔頭添！得意到唔捨得食XD
最好味係個他他汁鮪魚，個黑椒柚子蕃茄都幾好，好特別！
天氣好，夜景都靚d！

霖霖的百日宴

上星期六晩擺左兩圍，慶祝霖霖出世三個月。除左我家姐結婚擺酒外，今次算係我屋企第二次辦喜事。是日最忙果個係我，日抖去我家姐度幫我阿媽同家姐化妝set頭，出到去就要去美心拎訂左既蛋糕，到酒樓就變左攝影師，同親戚影相，由朝忙到晚，食到十一點先散，攰到爆
三磅既摩天輪蛋糕，好靚呀！
酒樓提供既薑同紅雞蛋，自幼稚園生日食過紅雞蛋，大左都無食過lu~

跨媒介插畫展

上星期六同同事Iris放工後專程去參觀「舊同事」Alfred既插畫畢業展，本來只打算參觀Alfred 個「檔口」就閃，結果都有睇哂其他同學既作品，但發覺作品水準參差，不少畫功其差，風格咩都有....較出色的只有幾個。一問之下，原來呢個course只要有錢交學費就讀得，就算完全無畫野底都收，有交功課的話就畢到業，咁就拎到個插畫dip.，其實係人都讀得的確係一件好事，俾鐘意畫畫既人可以學畫畫，但個course係dip的話就over左d，cert的話會比較合理。展出既作品由學生自己決定，鐘意放咩都得，好處係好自由，但出黎既結果，變得好「立雜」，專業水準至小學生水準既都有，其實最好揀選較高水準的作品展出，咁外人睇到先覺得個course惦。話說回來，好在Alfred既作品唔係小學生水準XD仲要恭喜佢啱啱俾Poly收左，讀design degree!!恭喜恭喜！！

Alfred既畢業作品「木人誌」
最後係佢檔口影張合照！