FION SS11 photo shooting@Macau

呢輯係肥安SS11既相（未retouch的)，成輯相我最like呢張，影靚左肥安d cheap袋啦! 其實呢次photo shoot,我並唔係以肥安既員工跟影相，因為我已resign左，相反肥安變左係客，事源影呢壇野間廣告公司係我resign前介紹比肥安，即係廣告公司既人我係識既，咁啱佢地需要個stylist assistant幫手，所以就應承左幫呢間廣告公司，加上好like個女fotop-Quist，跟下學下野都好！最後上星期請左兩日假，過左澳門影左兩日相加拍片。廣告公司加埋肥安既老闆加員工，一行18人，多都好似旅行團咁...第一日晨早到澳門，就即刻去酒店steam衫後即刻出發去漁人碼頭開始shooting。結果lunch都無得食，影足七個鐘，成八點幾先有飯食...
第二日好d，只係係氹仔影左6個鐘就完成，影完食完飯仲係官也街食個木糠布甸先閃。
成個trip最金係第一日，由係船食左早餐後，到夜晚先食野...第二金係，呢兩日我講英文多過講廣東話，因為我要幫model換衫，服侍佢，仲同佢一間房訓，但過左呢兩日都唔覺英文有進步XDD
因肥安要拍段"難"有故事性既短片放上網，所以要拍埋片，拍片好花時間，retake N次，導演指導model中...
導演指導model中...我食緊超滑既豆花中XDD
model真人有d妙麗feel，幾靚！不過靚女總係麻煩d!
呢個袋真樣係十級娘爆，影相已經影靚左！
因為老闆話要歐陸feel，指定廣告公司去澳門影，呢shot係第1shot@漁人碼頭
呢個袋勁醜，不論色既配撘同款式都無得頂!!

mister donut x 鬆馳熊

至愛既mister donut今期竟然同鬆馳熊crossover，實再太好！只要以1000yen買四個聖誕限定cake就送一套鬆馳熊玻璃水靴型杯或心形玻璃碗，當然唔會錯過啦，又抵又靚，仲有得食，呵呵！個package仲好kawaii添，真係唔捨得掉！另外一般既donut盒同紙袋都係鬆馳熊，連餐巾都有鬆馳熊個樣，真係kawaii都死！仲有一晚係機舖夾公仔，幸運地得到大大隻既兔仔頭鬆馳熊!yeah!!
為左要個鬆馳熊紙袋，唯有是旦買件外賣XD
呢個就係1000yen連四件聖誕cake，個package仲可以入埋埋套玻璃碗，日本人做package真係prefect!
四件聖誕cake包括朱古力，士多啤莉，栗子同蜜瓜味，個cream OK但裡面個cake就硬左D
心形玻璃碗
賀年版兔仔頭鬆馳熊

東京場最後的Past < Future tour 2010

無聲無色地只有兩三個朋友知我去左東京幾日，為既係補返睇十月果場因安室聲帶炎而取消既concert，不想張揚因唔想比d唔多熟既朋友覺得我相隔兩個月都無又去日本，覺得我好有米之餘，都唔想佢地覺得我呢個超顛fans老遠飛果去日本兩次為睇一場安室演出。今次去真係超級cheap trip，身上既現金只有幾萬yen，勁慳住洗。
實在無野行免得洗錢既關係，早左好多到會場，今次賣CD同賣tour goods既檔口都公開比一般無飛既人買，今次tour goods係買得最少既一次，除場刊必買外，我返而買左以往一定唔會買既毛巾XD　CD檔口竟然有past future特典果張，只要買Past future CD既就有得送，幫阿祖買之餘自己都買左hoho...　買完都係四點幾，結果無聊地搵間cafe等時間過再去會場，好在較早時間去左買tour goods，六點時條龍長到唔知去左邊!可能係東京尾場關係，未開場，觀眾先興奮，邊拍手邊叫NAMIE，到六點四十分終於開場！唔洗問，演出當然精彩，完場前安室破例開聲講野（以往佢只會講多謝同byebye)　大致係講話因上次聲帶炎好嚴重，從來未試過開唔到聲，以致要取消演出，真係好對唔住，多謝大家再黎睇。完場後大家忙於執散佈在場地周圍印有past future tour字樣既彩帶，我都執左唔少XD　可惜印有安室卡通樣既汽球我就執唔到...　會場門口例牌塞滿哂人狂影花藍，海報同著住tour tee既dummy公仔。但我只想撻左佢會場外既past future poster><
如係會場訂購past future DVD or blu-ray，即送past future tour海報一張，可惜我唔係住係日本，無得訂...　如買碟超過3000yen可揀A或B款海報，買break it CD的話就送break it poster,買past future CD就送past future大碟特典海報
tour good檔口，去到時，特別版安室可樂已售罄
tour goods display board