武漢五天地獄之旅﹣Day 1(part 2)

落機後,同廣州及南京既同事會合後,九個人行幾百米去國際機場果邊同香港既PK顧問會合(因為pk有米係香港機場飛),武漢出名三大火爐之一,唔洗行都熱都爆,機場咁空曠可以一滴風都無.加上的士係咪都要分開坐,唔明點解唔叫部份人先撘的去酒店先囉,呢d stupid野係我公司常常發生-_-"同pk會合後,stupid既mkt同事再一次發揮stupid本色,就係被d黑的講兩講,call左三架的士黎.我最初吾知係黑的,以為係普通的士.返大陸機場打的,一定揀係的士站排隊既的士,千奇吾好撘周圍兜撘人撘佢車既的士.好容易lai野...結果三架的士中,我果架就係黑的...
我地三個人上左車,alan坐車頭,另一個女同事同我坐後面,突然有個廿歲頭既o靚仔坐係我隔離,我即刻問:你是誰呀?司機就話:他是學徒,學路線.唔係fa,邊有得咁架!最後叫個o靚仔坐車頭,alan坐返後面.一開車,仲未開冷氣,叫司機開,佢話:汽油不夠,不能開.真係熱到爆!點知行多幾分鐘,突然超級大雨,係黑雨果種.迫住要關窗,同事關到一半關吾到,司機夠膽死令個頭過黎幫手拉埋個窗,佢仲開成100/km,大風大雨,佢都可以咁做,即刻叫佢渣車好過.但車頭玻璃十級污漕,加上大雨,唔係跨張,真係一d路都睇到,佢只靠睇住前面車既後尾燈黎渣,超危險!咁都未夠黑仔,跟住司機話,無油,架車龜速咁係高速公路行,我地真係想打鑊佢!龜速只維持左一兩分鐘,架車停埋...司機仲慢條斯理落車推車推埋一邊後,係車尾廂拎條好幼既繩出黎,最初真係唔知佢想點,叫佢call多部的黎接我地走,佢無理我地,原來佢係想是但"捷"架車,叫人地拖住我地架車拖出公路!超低b!當然無一架車肯拖我地啦!好在突然有架無載客既的士,我地即刻"捷"住,轉車走人啦.個黑的司機仲要我地比錢,我地吾肯比,嘈左好耐,結果都要比.湖北佬真係特別無品....

武漢五天地獄之旅﹣Day 1(part 1)

呢五日真係覺得好漫長，本身已經有心理準備會有好多阻滯，果然由一朝早出門開始，已極唔順利。約左d同事十點幾係深圳機場，本來由我屋企到火炭車站，只係頂多八分鐘既小巴車程，結果，我花左十個字先上到火炭，唔係塞車，係等小巴無小巴，等的士都無的士。最後終於趕得切到機場，大陸機例牌delay，去到閘口連飛機都無，都知有排等，等多陣，廣播話臨時改左閘口，okok!咁咪行去另一個閘口，今次有飛機喇，但未上得機喎，等左幾個字後先見d機倉人員慢條斯理咁上機！最後終於上得機喇！又繼續等，等等下聞到陣飛機餐味，一回頭望到空姐派緊餐，唔係fa，未起飛派餐？都未夠搞笑，當我啱啱食第二啖飯時，飛機突然行，另一邊廂，空姐們已拎住個大垃圾袋極速收餐，因為飛機準備起飛.........好在個餐可其難食，唔食都無所謂。有片為証!

最後班機delay左兩個鐘....上機騎呢，落機後仲騎呢，待續......