上星期六屋企無人，難得可以清靜留係屋企，就心血來潮想租方力申同Stephy既「我的最愛」睇，早幾個月上畫既時候影評同票房都好好，果時都想睇架喇，一來睇過「十分愛」覺得唔錯，當然要捧下方力申場啦XD 好少睇港產片既我，因為覺得通常都麻麻，特別係愛情或者笑片，通常都好垃圾。但呢套由劇情，編劇到演員演出都拍得好好，簡單唔花巧但拍得出唔少細膩既情節，唔少對白同情節都好到肉，笑位有唔少，又係我近期好欣賞既一位演員王祖藍既爆笑演出！近期既「內衣少女」認真麻麻，但爆笑位同樣係王祖藍！講返「我的最愛」，有唔少精句，最深刻同最有共嗚既係Stephy同祖藍講關於「我的最愛」，究竟「我的最愛」係咪真係好似電腦既「我的最愛」咁，鐘意就add，唔鐘意時就delete，「我的最愛」係有無盡咁多個... 如果你無諗過睇呢套戲，不防睇以下呢段Stephy同祖藍既對手戲，搞笑之餘，同樣有點心up...
