尋日同阿joe係MK唔知食咩好，阿joe突然諗起朗豪坊對面開左間以廁所為主題既餐廳，就去試下啦！八點幾去到都要等位，反而隔離間和民無乜人等。全間餐廳既櫈都係屎塔黎，枱就係洗手盆上加塊玻璃，天花既燈都係米田共形同廁所泵，牆上有一排發光既尿。食既多數都台式食品，但都有意粉同焗飯等，價錢大約$50。我地叫左兩個飯，招牌咖哩雞同黑椒豬柳，兩樣都跟一少碟前菜，湯同白飯。最初以為碟餸會直接放入屎塔形既大碗內，原來Ｄ餸放係一個好淺既鍋仔度，再放入屎塔度，而塔裡面有火'慶'住碟餸，咁樣就吾怕碟餸凍呢！味道又比我想像中好喎，本來以為都係玩裝修既餐廳，質素唔會好得去邊。之後仲叫左個$15既“屎塔6號"其實只係朱古力軟雪糕放係個'mouse'廁形既碟上。雪糕都算大舊，不過太甜同奶味太重，唔多好食！呢間餐廳免加一，服務都唔錯，未試過坐係屎塔度食野可以一試呢！
No comments:
Post a Comment