Y.M.由Creative Director升左做Brand Director，當然要請成條team食餐好啦！當晚Y.M.攜眷兼帶埋愛女出席，成棚一共17人去左九龍香格里拉既cafe kool食dinner buffet，果晚有dress code架，就係一定要著黑白灰顏色既衫。估唔到星期二都爆場~七點幾先到，拿拿淋出去囉野食啦。由沙律到甜品既選擇都好多，各式沙律，麵包（有竹炭麵包，成個黑媽媽咁，味道同法包一樣)，冷盤都有好多種，D 德國ham勁好味！魚生凍蟹都ok，主菜比較特別既係，多數都係即揀料即煮既食物，可以自己揀料，之後俾廚師，可以即炒個干炒牛河之類既小炒，西式同樣係自己揀料揀醬汁，即整個白汁海鮮意粉都得，其餘既粥粉麵都係一樣，即煮既，不過食自助餐無奶油食小炒，平時都食唔少呢，所以我無食呀。另外仲有即燒既羊架，steak，德國腸都好好味！中湯係細細盅既燉椰子瘦肉湯，超甜，又係好好味！但我返而食得最多甜品，甜品每樣都好細件，可以件件都試下，最鐘意紅藍莓啫哩，酸酸甜甜！香橙蛋糕同焦糖布甸都唔錯!其他既甜品仲有豆腐花，雪糕，朱古力瀑布。咁多野食，$378一位~加埋一都四舊水，我都係鐘意食大排檔茶餐廳多d呢XD
No comments:
Post a Comment