青山テルマ-Aoyama Thelmal中譯：青山黛瑪），係香港應該唔多知佢係乜水？佢係一個擁有四分之一既千里達島*血統，20歲既日本女大學生。今年憑「そばにいるね-留在我身邊」蟬聯公信榜top10長達12星期，同時音樂下載排行榜冠軍，並以史上最快速度下載次數突破六百萬！成為今年注目既女新人，更被封為日本四大R&B天后之一，與宇多田光，安室同MISIA齊名！一向都鐘意聽R&B，當然會留意青山黛瑪既歌啦！買左大碟"Diary"，裡面好多首都好好聽！正當近期煲碟之際，得知青山さん會黎香港開mini concert，仲會係朗豪坊舉行簽唱會。concert飛不作公開發售，係yahoo bid都唔平，concert睇唔到。但就去左簽唱會，之前係朗豪坊買滿$300就換到入場卷。尋日同阿祖準時三點去到朗豪坊12F，等左十幾分鐘，青山さん終於出場，真人的確比上鏡更瘦，古銅色既皮膚，雖然唔係靚女，但笑起黎都幾sweet架！同mc吹左幾句水後，唱左首本名曲「そばにいるね-留在我身邊」同「このままで-就這樣」，實力派的確實力派，冋聽CD一樣咁好聽！最後到簽名環節，難得地「mont車邊」同到青山さん影到張合照，當然開心啦！雖然我唔係super fans，但同日本artist合照係非常難呢，唔同香港，日本artist有肖像權，d經理人好緊張，要埋身影相難過登天~ 想聽多d青山さん既歌，除左隔離既「そばにいるね-留在我身邊」，仲可以聽下面既「このままで-就這樣」同埋新歌「何度も」
*千里達島-一個位於中美洲加勒比海南部、緊鄰於委內瑞拉外海的島國。
このままで-就這樣
何度も
2 comments:
我都知佢黎香港，但唔知會去朗豪坊！你可以同佢影到相，勁呀！
D食蕉好鬼嚴，又勁趕你走，好在咁啱大個女仔企係台下幫令一個人影相，我拿拿淋俾部機佢叫佢幫我影先影到呢！
Post a Comment