近排又落舖換季，又可以周圍食野！前日去香港仔，香港仔最出名係咩？梗係香港仔魚蛋啦！antony帶左我同hugh去歷史尤久既山窿謝記食魚蛋粉，個門面似一間廟多過似一間食店。裡面裝修幾殘下，起碼有三十年歷史~坐底唔洗諗梗係叫魚蛋粉，魚蛋唔大粒，同係MK食果d「硬實魚蛋」差唔多大，但就好味彈牙得多！食完唔夠飽，同hugh share多碗什會煱，咩餸都有，除左魚蛋外，牛腩都超林，好味:p 間野叫「山窿」我覺得好得意，antony話佢好細個時已經黎呢度食，話說N年前山窿謝記個老板係個山石底下開檔賣魚蛋起家而得名，不過聽聞以前係乒乓波咁大粒！而家當然縮哂水啦！
7 comments:
謝記我食過兩次，之前你過香港仔做野都想介紹你食，近海邊，魚旦好食唔出奇，好似筲箕灣都係魚旦好食。
有機會去長洲既話，係東堤沙灘更衣室附近有幾檔小食，有檔魚旦真係乒乓波咁大粒，好食到香港食唔到，超彈牙，勁好味！一定要試！
仲有其他小食，例如炸薯仔，佢將個薯仔整到好似電話線咁既旋轉形，好特別，太熱氣，我就無食過喇！
我都啱啱係阿臣講既長洲魚旦檔食魚旦,真係超彈牙同勁好味呢！
Anonymous 係 dor dor, 哈!
細個去東堤就去得多，但又未食過呀！筲箕灣東大街果間都好食！不過出名食魚片頭多。dor dor去完長洲黎？好玩麻？
長洲果幾間小食店係最近兩年先旺起，你細個去當然食唔到。果到既魚旦同香港無得比呀，去試下啦！
長洲黎好好玩呢!我第一次去咋^^除咗魚蛋,仲食咗帥妹甜品同海鮮呢!好好味~但係就俾蚊針...
筲箕灣東大街..係咪安利呀?我成日去食片頭同切腩呢!勁好味^^
係呀係呀！安利呀，去開果頭既話一定會去安利食片頭呢！好味:P
Post a Comment