步步"糕"陞

終於過左個犯太歲既鼠年喇！祝各位靚仔靚女，牛年更加カッコいい、かわいい、通年素晴らしい！最緊要healthy!!新年梗係要食下蘿蔔糕先似過年，成日聽聞八珍既蘿蔔糕好食，今年就特登買左底蘿蔔糕&馬蹄糕。果然唔錯，蘿蔔糕似homemade，但我覺得馬蹄糕仲好食d添！除左八珍既糕，記憶中上年睇過唔少雜誌都大力推介天與地既賀年糕點，佢出既唔係一般傳統既糕，而係凍食既糕點。所以今年專登走去諾士佛台間天與地睇下，今年出左四款糕點，杞子紅荳桂花糕，富貴柿柑桔年糕，蘆薈楊枝甘露糕同埋紫蕃薯黑芝麻糕，結果我四款買哂（係咪好顛呢XD!)　除左紫蕃薯黑芝麻糕外，其他都係凍食，其實同果凍、布丁差唔多，所以唔會好似食年糕咁濟，加上我咁鐘意食果凍呢d野，我諗未到初七我都清哂XD先講個杞子紅荳桂花糕，未食過桂花糕會有咁大粒既紅豆同杞子，粒紅豆大過粒花生！富貴柿柑桔年糕d富貴柿又係超大粒，食落去一d都唔似富貴柿，以為食緊桃。呢兩款糕都係好清甜，又夠料，勁好味！蘆薈楊枝甘露糕口感似布丁，芒果味唔重，勁多蘆薈粒同柚子肉，都係好味，但如果可以無咁似布丁會好d！至於個紫蕃薯黑芝麻糕，味道有d似食緊紫米露，裡面d紫蕃薯又係超大粒，呢個糕附送柑桔醬，點左醬黎食又真係好食好多！
除左呢d糕外，前幾日係citysuper有個青森promote，即刻pok到埋去睇有無我果時係青森買過既好味蘋果製既零食，零食就買唔到，但買左樽青森蘋果果肉醬$45，平時好少搽果醬，因為一般買既jam都係得個甜字~但呢樽野d蘋果肉真係超多，成樽都係果肉，唔係爛哂咁架，係一粒粒仲好爽添，又唔太甜，再經開既話一定要買多樽！