high tea@文華 x cheap dinner@堂記腸粉

之前成日同阿祖話去high tea，終於去貴州前襯佢放假，落住大雨嘅一個星期六，去左文華酒店嘅cake shop high tea，雖然文華有英式下午茶，但文華蛋糕出名，我地就係n咁多款嘅cake中揀左四件cake同兩杯咖啡！咖啡就一般，無咩特別，而四件蛋糕當中，我最鐘意就係raspberry mousse cake，外表超艷，紅當當，但味道估唔到咁清甜，每啖都有好香嘅莓味。而第二好味嘅係new york cheese cake，唔太甜，好味！另外兩件朱古力，其實比出面嘅朱古力蛋糕無咁甜，但相比前兩件就爭d！每件cake都係$32，酒店級黎講算唔貴，起碼好食過agnes b.嘅cake。high完tea去左cwb行左陣，阿祖推介zoe cafe嘅cake，本來只係諗住買外賣，但攰攰地又落雨，就叫左件招牌蛋糕zoe試下，雖然已經好飽，但件zoe又幾好味喎，zoe其實係將忌廉加榛子一起打，變成榛子味又幼滑嘅cream，餅底就用脆脆餅底，簡單得黎清清地，唔錯！另外阿祖強烈推介嘅Banana Chocolate Pie，下次一定會試下！離開cwb就去左佐敦食出名嘅堂記腸粉當晚飯，之前睇過n咁多個介紹講堂記，排哂長龍，講到非去不可，果日落雨，無咩人唔洗點等位，我地叫左出名嘅燒鵝腸粉，菜乾豬骨粥，另外再試個魚片加唔記得乜料嘅腸粉。燒鵝腸粉真係好惦，腸粉又幾滑！但個魚片腸粉就唔多得，唔知點解辣辣地~個菜乾豬骨粥我覺得幾好食，但阿祖話一般。不過堂記d服務態度真係麻麻，夏天去又熱到爆，我一坐底已經熱到要扎起d頭髮...都係冬天去好d！
cappuccino
New York Cheese Cake
Double Milk Choco
Raspberry Mousse Cake
呢個唔記得叫咩...
zoe cafe嘅zoe蛋糕$30
個侍應見我地怒影，就主動話同我地影合照。
足料嘅菜乾豬骨粥
好味嘅燒餓腸粉