apple又出新野，尋晚凌晨兩點先係官網公報，今朝一起身就上apple睇哂成個發報會，我諗得apple先有咁大動力令我會花個半鐘睇哂一個全英文嘅發報會。之前已有消息流出指新產品係一個平板電臘，簡單黎講iPad係一個放大版嘅itouch+縮細版嘅laptop，所有指令只需用一兩隻手指就可以上網，email，玩game，聽歌，睇書，簡單文書處理，簡單得很，就算俾我阿媽都會好快識用！你可能話，咁我部電話,laptop都做到啦！有咩咁特別！？你想知有幾神奇，簡單，方便，真係要睇下發表會條片XD！我覺得不論你要見客做presentation，又或帶出街，旅行，露營當娛樂或地圖都好，iPad的確fit哂各方面嘅要求。最平一部16GB iPad只係大約$3900，但我會prefer有埋3G果款，都只係多加$1000!的確唔只係一部超薄輕巧嘅"平板電腦"，更係一部"平版電腦"!
如果加上ipad dock同keyboard，立刻變成一部迷你desktop
跟機case都照顧到唔同情況嘅需要，可直立式方便睇相或電影，平臥式就方便打字，肯定第時會出更多唔同款嘅ipad case
7 comments:
我只係覺得冇驚喜~~ 好似你咁講，佢只係一個放大版既I TOUCH，同埋我覺得只係一個大MON既PMP，i phone係一個偉大發明，而i pad只係apple一個借屍還魂的新產品，基本上佢最大功能就係娛樂同MONITOR巨大！3000幾蚊的確唔貴，我都唔感興趣兼唔會買啦，不過依然可以期待一下佢呢件產品既第2,3代既發布既，不過我最期待係6月新I PHONE推出！
最初單睇佢嘅功能介紹，不外乎上網，打機之類，都係覺得唔值得買。但睇完佢整個發佈會裡對每一個功能嘅demo，其實有佢嘅價值，以game黎講，比以往iphone game進步左，當然係因為佢同game公司合作，先可以做到同電視遊戲一樣嘅效果，apple開始連game界都踩埋，電子書一樣improve左，ipad無iphone初推出時果種「新產品」嘅驚喜，但ipad將每樣野都優化左，變得簡單同方便，起碼對於手提電腦係一個improvement。正如無iphone嘅出現，我諗都唔會咁快有hero,nexus one嘅出現呢！不過如果你係唔多出街嘅人，的確唔需要買ipadXD
對，你有個POINT係0岩左，係優化左既I PHONE 加I TOUCH，同埋我唔覺得佢係屬於手提電腦，只係一個多媒體娛樂產品，手1提lap top，我唔認同lor XDDD 我多出街ka，但我都唔需要i pad lor，你就更加唔洗啦 XD
我都認同野口同學既睇法,我琴日都睇完佢個發佈會既demo,感覺唔係好有革命性既產品咁,而且唔係太multi-function,只係multi-media, 所以對我黎講唔係must-buy item =p
不過對apple既fans黎講就可能會係must儲item^^
我都覺唔係咩革命性產品，只係apple講到好似好革命性咁，唔係點有noiseXD ipad當然唔係一部laptop，我話佢係laptop嘅improvement，因為第時嘅laptop都會好似ipad咁，只得一塊板！雖然apple話ipad係介乎智能手機和手提電腦之間的「第三類」產品，但連報紙都係話ipad較接近手提電腦嘅模式。iWork好明顯想同office一樣，但仲差好遠，我就用唔著iwork，但俾要用laptop黎見客嘅人就方便左。ipad要大缺點係，唔支援flash網站，同埋無繁體中文輸入法。下一代嘅應該會多埋鏡頭，同支援flash。我用mac但唔係mac迷XD 有錢都未必買ipad XDD
Post a Comment