又適逢阿祖放假，上次去添好運唔小心等到過左no.無得食，為免係MK白等幾粒鐘等食，就打算是旦搵套戲睇消磨時間，時間最夾就係呢套「秋田犬八千」，之前聽聞話有人連睇預告片都喊，好跨張下~ 睇到後半部份時，都聽到周圍唔少"索"鼻水聲，不過唔知係喊定傷風喇！最後完場時人有三急去toilet，當我係廁格一出黎時，見到四五個正排隊去廁所嘅女士喊到面紅鼻紅，仲用紙巾抺緊眼淚...我又無睇到喊呀，比較感動位有一個嘅，但可能我無養過狗，又預先知道個故事個結局，所以未至於感動到喊。如果係愛狗之人，我都覺得會感動到喊嘅。
睇完戲行返去添好運，等多陣就有位喇！不過間舖實在迫到死，係45分鐘用餐時間裡面，我足足起身六次俾其他客人出入!點心平時食得太多，由平價到貴價都食過，雖然添好運係由前四季酒店龍景軒點心部主管開嘅，但一d驚喜都無，同平時食嘅點心差唔多，只係招牌脆皮叉燒包比較好食，但未至於值得等兩三粒鐘去食佢嘅點心呢！一試無訪，但無下次，除非唔洗等位啦！
脆皮叉燒包 $12三個，抵食！
No comments:
Post a Comment