東京<沖繩 Day 4 Photo Shooting

黎沖繩既最大目的係影pre-wedding photo，唔好以為我就快結婚，又或者已plan左幾時結婚，其實暫時一d結婚打算都無!影左先既原因只係覺得影左先，驚到結婚時個樣唔多見得人XDD 我地搵左影海外pre-wedding photo幾出名既watabe，成個影相package會影足８個鐘，地方大約有５個。包括aqual教堂，殘波峽沙灘，殘波峽，murasaki村，三重城。晨早九點已有車黎酒店接我地去教堂make up，化妝師同hair stylist都係日本人，fotop有兩位，一個澳洲鬼同一個日本仔，仲有一個安排同貼身服侍我地既日本staff，佢係唯一個識英文既日本staff。make up, dressing完成後，fotop會先係化妝間影d花絮，之後就辛苦囉....
正午係三十幾度，天無一雲既烈日當空下，著住件又大又重既婚紗係沙灘影相！仲要聽fotop既指示，扮到個樣好relax咁係沙灘跑，就算著泳衣咁跑都熱到死，仲要著住件婚紗來來回回咁跑!跑完又要係沙灘轉圈fing裙咁影，我又唔記得係身同頸搽防哂，哂到膞頭紅哂，婚紗裡面仲著住束衣，真係熱到想跳落海！我果時真係有d驚會中暑，好在個staff超好，每影完一個shot後會即刻拎把遮黎遮我，仲比冰水我飲，日本人既服務真係無得頂！影完沙灘相，個妝已經溶到嚇死人，補左少少妝後，馬上就要入教堂裡影相，個教堂的確好靚，落地玻璃望出去就係藍天白雲，靚到有d假！影完教堂後，又馬上坐車去三重城繼續影，三重城雖然無咩特別，但係咁好既天氣下變得特別靚，但果刻我真係無咩心情欣賞風景，只係想快d影完呢個點，一身咁既打扮一d都唔enjoy，真係好拿熱!爆曬完後終於可以除左呢件婚紗，除埋束衣，成個人鬆哂，hair stylist馬上為我轉頭，因為跟住要影既係浴衣照，拍照地點係充滿沖繩古村氣色既murasaki村。去到murasaki村己經三點幾，先食個lunch，跟住勁速影左少少又趕返去影最後一個景點—殘波硤，因為我地想影日落，而沖繩既日落較早，大約五點幾就開始，所以要爭取時間，返去換衫再出發，最後呢shot既衫係自己的，watabe只提供婚紗及西裝一套。因為唔想著晚裝影咁老土，所以我地決定著得causal d黎影。呢部份既相好多都要擒上石度影，著住對高踭鞋，真係一步一驚心，好在睇fotop相機內既相較果唔錯，好期待睇final既相！

拍攝後感：雖然影得真係幾辛苦，但fotop同staff成組人都辛苦，但佢地都好專業，唔會因為辛苦而hei影，有時我覺得佢既拍攝要求比我更高！staff連鞋襪都主動話幫我著，我話自己著到，佢死都要mouse低幫我著襪，真係唔好意思，其實佢地都係打工，但十分落力體貼既服務，真係好值得HK人學習，好似red dog班死鬼佬，收我公司成十皮野，hei影到爆!

花絮全部由唔識影相既日本staff影，但都影得唔錯呀！部份就係我bf影，我係唔會有時間可以影相><,至於fotop影既堅相,無咁快有得睇住，要等多幾個星期，暫時睇住d behind the scence 先,絕密花絮相可以去呢度睇(話明絕密，千奇唔好係fb留言之類話我去影婚紗相，癈事以為我結婚就煩死~thanks!!) http://www.flickr.com/photos/kapark/sets/72157625097198455/

make up中，化妝師同stylist三人不停話我化完妝勁似morning娘其中一條女，我都唔知佢講邊個，我只係覺得我"痴"哂上下眼睫毛時，真人超似Ayu，即係個樣好假XD 勁驚!好在影完唔似XD　個髮型因為我唔like束起哂，本身諗住整曲就算，stylist話我啱d kawaii look，幫我整左個類似安室今次tour個頭，佢話今年興，對我黎講興唔興唔緊要，似安室就得haha

第一個shot

係Aqual教堂裡準備拍攝

實景透哂陽光入黎，勁靚呀

影新娘既獨照相對新郎既多，所以我完全無機會可以影下d風景相...

扮彈三味線XD

last location-殘波峽